ലോറിയിടിച്ച് സ്കൂട്ടർ യാത്രികൻ മരിച്ചു

തളിപ്പറമ്പ്: ലോറിയിടിച്ച് സ്കൂട്ടർ യാത്രികനായ യുവാവ് മരിച്ചു. പരിയാരം ഇരിങ്ങൽ യു.പി സ്കൂളിന് സമീപത്തെ പരേതനായ ഇബ്രാഹീംകുട്ടിയുടെ മകൻ സി.പി. ഉമ്മർകുട്ടി (22) ആണ് മരിച്ചത്. വെള്ളിയാഴ്ച ഉച്ച രണ്ട് മണിയോടെ ദേശീയപാത ഏഴാംമൈലിൽ ആയിരുന്നു അപകടം. കണ്ണൂർ ഭാഗത്തേക്ക് പോവുകയായിരുന്ന ഉമ്മർകുട്ടിയുടെ സ്കൂട്ടറിൽ പിന്നാലെയെത്തിയ ലോറി തട്ടുകയും ലോറിക്കടിയിലേക്ക് തെറിച്ചുവീണ് തലയിലൂടെ ലോറിയുടെ പിൻചക്രം കയറിയിറങ്ങുകയുമായിരുന്നു. തളിപ്പറമ്പ് പൊലീസും ഹൈവേ പൊലീസുമെത്തിയാണ് മൃതദേഹം പരിയാരം മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റിയത്. മാതാവ്: ആമിന. സഹോദരൻ: മുസ്തഫ.