കൺസെഷൻ നൽകാത്ത ബസുകളുടെ പെർമിറ്റ് റദ്ദാക്കണം -എ.ഐ.എസ്.എഫ്

കാഞ്ഞങ്ങാട്: വിദ്യാർഥികൾക്ക് യാത്രാ കൺസെഷൻ നൽകാത്ത ബസുകളുടെ പെർമിറ്റ് റദ്ദാക്കണമെന്ന് എ.ഐ.എസ്.എഫ് കാസർകോട് ജില്ല സമ്മേളനം ആവശ്യപ്പെട്ടു. യാത്ര കൺസെഷൻ നൽകില്ലെന്ന ഒരുവിഭാഗം ബസുടമകളുടെ നിലപാട് അംഗീകരിക്കാനാവില്ലെന്ന് യോഗം അഭിപ്രായപ്പെട്ടു. പ്രതിനിധിസമ്മേളനം സംസ്ഥാന സെക്രട്ടറി സുഭേഷ് സുധാകർ ഉദ്ഘാടനം ചെയ്തു. ജില്ല പ്രസിഡൻറ് രാഗേഷ് രാവണീശ്വരം പതാക ഉയർത്തി. സി.പി.ഐ നേതാവ് അജിത് കൊളാടി ക്ലാസെടുത്തു. സി.പി.ഐ ജില്ല സെക്രട്ടറി ഗോവിന്ദൻ പള്ളിക്കാപ്പിൽ, സംസ്ഥാന പ്രസിഡൻറ് അരുൺ ബാബു, സംസ്ഥാന കമ്മിറ്റി അംഗം ഗിരീഷ് പാണംതോട്, ജില്ല സെക്രട്ടറി ഹരിദാസ് പെരുമ്പള, ജിനുശങ്കർ, കെ.കെ. സോയ, അഭിലാഷ് ബദിയടക്ക, കെ.വി. കൃഷ്ണൻ എന്നിവർ സംസാരിച്ചു. ഗംഗാധരൻ പള്ളിക്കാപ്പിൽ സ്വാഗതം പറഞ്ഞു.