സി.കെ. കണാരൻ വൈദ്യർ അനുസ്മരണം

കതിരൂർ: ഗ്രാമപഞ്ചായത്തംഗവും കോൺഗ്രസ് കതിരൂർ മണ്ഡലം പ്രസിഡൻറുമായിരുന്ന സി.കെ. കണാരൻ വൈദ്യരുടെ ഏഴാം ചരമവാർഷികം പൊന്ന്യം കലാധാരയുടെ നേതൃത്വത്തിൽ ആചരിച്ചു. പി. ജനാർദനൻ അനുസ്മരണ സമ്മേളനം ഉദ്ഘാടനം ചെയ്തു. കലാധാര പ്രസിഡൻറ് സി.കെ. വിശ്വനാഥൻ അധ്യക്ഷത വഹിച്ചു. ഉച്ചമ്പള്ളി രാധാകൃഷ്ണൻ, പൊന്ന്യം കൃഷ്ണൻ, എം. രഘുനാഥ്, ബീന ഗംഗാധരൻ, ജി.വി. രാകേശ് എന്നിവർ സംസാരിച്ചു. വിവിധ പരീക്ഷകളിൽ ഉന്നതവിജയം നേടിയവരെ ചടങ്ങിൽ ആദരിച്ചു. വിദ്യാർഥികളുടെയും കലാധാര അംഗങ്ങളുടെയും കലാപരിപാടികളും അരങ്ങേറി.