പോക്​സോ കേസ്​ പ്രതി ​െപാലീസ്​ സ്​റ്റേഷനിൽ കുഴഞ്ഞുവീണു

പയ്യന്നൂർ: പതിനേഴുകാരിയെ പീഡിപ്പിച്ചതിന് പോക്സോ കേസിൽ അറസ്റ്റിലായ പ്രതി പൊലീസ് സ്റ്റേഷനിൽ കുഴഞ്ഞുവീണു. തന്നെ അറസ്റ്റ് ചെയ്തുവെന്ന വാർത്ത പത്രത്തിൽ കണ്ടപ്പോൾ ഇയാൾക്ക് ദേഹാസ്വാസ്ഥ്യമനുഭവപ്പെടുകയായിരുന്നു. വ്യാഴാഴ്ച രാവിലെ പയ്യന്നൂർ പൊലീസ് സ്റ്റേഷനിലാണ് സംഭവം. ചെറുപുഴ പൊലീസ് സ്റ്റേഷൻ പരിധിയിലെ പതിനേഴുകാരിയെ സിനിമയിൽ അഭിനയിക്കാൻ അവസരം നൽകാമെന്നുപറഞ്ഞ് പീഡിപ്പിച്ച കേസിലാണ് ചെറുപുഴ വയക്കര മഞ്ഞക്കാട്ടെ പി.എം. അഖിലേഷ് മോൻ (19) എന്ന വൈശാഖിനെ കഴിഞ്ഞദിവസം അറസ്റ്റ് ചെയ്തത്. പ്രതിയെ പയ്യന്നൂർ പൊലീസ് സ്റ്റേഷൻ ലോക്കപ്പിലാണ് പാർപ്പിച്ചിരുന്നത്. പ്രതിയെ അറസ്റ്റ് ചെയ്തത് പത്രത്തിൽ വാർത്തയായിരുന്നു. ഇത് കണ്ടതോടെയാണ് ഇയാൾക്ക് ദേഹാസ്വാസ്ഥ്യം അനുഭവപ്പെടുകയും തളർന്നുവീഴുകയും ചെയ്തത്. തുടർന്ന് പയ്യന്നൂർ ഗവ. താലൂക്ക് ആശുപത്രിയിൽ പ്രവേശിപ്പിക്കുകയായിരുന്നു.