റോഡ് പണിക്കെതിരെ പരാതി

ശ്രീകണ്ഠപുരം: വളക്കൈ മദ്റസ - പെരുമ്പാറക്കടവ് റോഡ് പണിക്കെതിരെ പൊതുപ്രവർത്തകൻ എൻ.പി. ശിഹാബ് ചെങ്ങളായി പഞ്ചായത്ത് സെക്രട്ടറിക്ക് പരാതി നൽകി. 2017 - 18 സാമ്പത്തികവർഷത്തെ ഫണ്ടിൽ ഉൾപ്പെടുത്തി റോഡ് 90 മീറ്റർ ടാർ ചെയ്തിരുന്നു. ടാറിങ് നടത്തിയ റോഡി​െൻറ ഒരുഭാഗം മൂന്നു മീറ്റർ ആഴത്തിൽ വയലാണ്. ഈ ഭാഗം കെട്ടി ഉറപ്പിക്കാതെ മണ്ണ് മാത്രമിട്ട് നാട്ടുകാർക്ക് നടക്കാൻപോലും കഴിയാത്തരീതിയിൽ ടാറിങ് നടത്തിയിരിക്കുകയാണ്. മഴപെയ്താലും വാഹനങ്ങൾ പോകുമ്പോഴും അപകടസാധ്യത ഏറെയാണെന്നും പരാതിയിൽ പറയുന്നു.