സമത പ്രതിഭ പുരസ്കാര ദാനവും വാർഷികാഘോഷവും

പയ്യന്നൂർ: സമത ചാരിറ്റബിൾ ട്രസ്റ്റി​െൻറ പ്രഥമ പ്രതിഭ പുരസ്കാരം ഡോട്ട് ചിത്രകാരൻ സുരേഷ് അന്നൂരിന് സമർപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. പേനക്കുത്തുകൾ കൊണ്ട് ഛായാചിത്രങ്ങൾ തീർത്ത് ശ്രദ്ധേയനായ സുരേഷ് അന്നൂർ എട്ടിക്കുളം ഗവ. ഹയർ സെക്കൻഡറി സ്കൂൾ ഹിന്ദി അധ്യാപകനാണ്. ശനിയാഴ്ച വൈകീട്ട് അഞ്ചു മണിക്ക് പയ്യന്നൂർ ഷേണായീസ് സ്ക്വയറിൽ നടക്കുന്ന പുരസ്കാര ദാന -വാർഷികാഘോഷ ചടങ്ങ് നഗരസഭ ചെയർമാൻ അഡ്വ. ശശി വട്ടക്കൊവ്വൽ ഉദ്ഘാടനം ചെയ്യും. തുടർന്ന് വിവിധ കലാപരിപാടികൾ അരങ്ങേറും. വാർത്തസമ്മേളനത്തിൽ എം.ടി. അന്നൂർ, വി. മനോജ്, കെ. കലേഷ്, പി. സുദീപ് എന്നിവർ പങ്കെടുത്തു.