തുണ്ടിയിൽ പാലത്തി​െൻറയും അപ്രോച്ച് റോഡി​െൻറയും നിർമാണം പൂർത്തിയാക്കും

മണത്തണ: തുണ്ടിയിൽ പാലം അപ്രോച്ച് റോഡി​െൻറയും പാലത്തി​െൻറയും നിർമാണം എത്രയും വേഗം പൂർത്തീകരിക്കാൻ ബന്ധപ്പെട്ടവരുടെ സഹകരണം വേണമെന്ന് സണ്ണി ജോസഫ് എം.എൽ.എ. അനാവശ്യ വിവാദങ്ങൾ ഒഴിവാക്കി അടിയന്തരമായി പാലത്തി​െൻറയും അപ്രോച്ച് റോഡി​െൻറയും നിർമാണം പൂർത്തീകരിക്കുകയാണ് ലക്ഷ്യമെന്ന് എം.എൽ.എ അറിയിച്ചു. ആവശ്യമായ സ്ഥലം ലഭിക്കുന്നതിൽ കാലതാമസം ഉണ്ടായപ്പോഴും സമയബന്ധിതമായി പ്രവൃത്തി പൂർത്തീകരിക്കുന്നതിന് കരാറുകാരുടെ ഭാഗത്തുനിന്ന് അലസത ഉണ്ടായപ്പോഴും എം.എൽ.എയെന്ന നിലയിൽ ആ കാര്യങ്ങളിൽ ഇടപെട്ടിട്ടുണ്ട്. പാലം നിർമാണം പൂർത്തിയാക്കി അനുബന്ധ റോഡ് നിർമാണത്തി​െൻറ അലൈൻമ​െൻറ് സംബന്ധിച്ച് തർക്കം ഉണ്ടായപ്പോൾ സ്ഥലം സന്ദർശിച്ച് ബന്ധപ്പെട്ടവരുമായി ചർച്ചകൾ നടത്തുകയും പ്രശ്‌നപരിഹാരത്തിനായി യോഗങ്ങൾ വിളിച്ചുചേർക്കുകയും ചെയ്തിരുന്നു.