തദ്ദേശ സ്ഥാപന പൊതുസർവിസ്​ ഉടൻ നടപ്പാക്കണം ^കെ.എം.സി.എസ്​.യു

തദ്ദേശ സ്ഥാപന പൊതുസർവിസ് ഉടൻ നടപ്പാക്കണം -കെ.എം.സി.എസ്.യു കണ്ണൂർ: പരാതികൾ പരിഹരിച്ച് എൽ.എസ്.ജി.ഡി പൊതുസർവിസ് നടപ്പാക്കണമെന്ന് കേരള മുനിസിപ്പൽ ആൻഡ് കോർപറേഷൻ സ്റ്റാഫ് യൂനിയൻ (കെ.എം.സി.എസ്.യു)സംസ്ഥാന സമ്മേളനം ആവശ്യപ്പെട്ടു. നഗരസഭകളുടെ ആധുനികവത്കരണ പ്രവർത്തനങ്ങൾ ഉൗർജിതമാക്കുക, വിവിധ മിഷനുകളുടെ പ്രവർത്തനങ്ങൾ ശക്തിപ്പെടുത്തുക, ജനപക്ഷ- ജനസൗഹൃദ നഗരസഭകളായി പ്രവർത്തിക്കുക, കാര്യക്ഷമവും സുതാര്യവുമായ സേവനം ഉറപ്പാക്കുക തുടങ്ങിയ ആവശ്യങ്ങളടങ്ങിയ പ്രേമയങ്ങളും അംഗീകരിച്ചു. ഭാരവാഹികൾ: പി. സുരേഷ് (പ്രസി.), എൻ.സിന്ധു, എ.വി. വിജയകുമാർ (വൈ. പ്രസി.), വി. സുരേഷ് കുമാർ (ജന .സെക്ര.), എൻ.എസ്.ഷൈൻ, രാജൻ പി. എബ്രഹാം(സെക്ര.), വി. മണികണ്ഠൻ (ട്രഷ.).