ബൈക്കിൽ ട്രക്കറിടിച്ച്​ യുവാവ്​ മരിച്ചു

കാഞ്ഞങ്ങാട്: ബൈക്കിൽ ട്രക്കറിടിച്ച് ഡി.വൈ.എഫ്.െഎ പ്രവർത്തകൻ മരിച്ചു. കാഞ്ഞങ്ങാട് സൗത്ത് ഗവ. ഹയർസെക്കൻഡറി സ്കൂളിന് സമീപത്തെ സത്യപാലി​െൻറ മകൻ സോനുപാൽ (28) ആണ് മരിച്ചത്. ഡി.വൈ.എഫ്.െഎ മേഖല കമ്മിറ്റിയംഗവും അലാമിപ്പള്ളിയിലെ ചുമട്ട് തൊഴിലാളിയും റെഡ്ഫോർട്ട് ക്ലബ് പ്രവർത്തകനുമായിരുന്നു. ഞായറാഴ്ച രാത്രി 11. 30ഒാടെ നഗരത്തിൽ പുതിയകോട്ട പഴയ ജില്ല ആശുപത്രി കെട്ടിടത്തിന് സമീപത്താണ് അപകടം. പുതിയകോട്ടയിൽ നിന്ന് അലാമിപ്പള്ളി ഭാഗത്തേക്ക് പോവുകയായിരുന്ന സോനുപാൽ സഞ്ചരിച്ച ബൈക്കിനുപിന്നിൽ മംഗളൂരു തുറമുഖത്തുനിന്ന് വരുകയായിരുന്ന ട്രക്കർ ഇടിക്കുകയായിരുന്നു. റോഡിലേക്ക് തെറിച്ചുവീണ യുവാവി​െൻറ തലക്ക് സാരമായി പരിക്കേറ്റു. സ്ഥലത്തെത്തിയ പൊലീസ് ഉടൻ ജില്ല ആശുപത്രിയിൽ എത്തിെച്ചങ്കിലും രക്ഷിക്കാനായില്ല. മാതാവ്: ഭാനുമതി. സഹോദരങ്ങൾ: സോനപാൽ, സനുപാൽ. ട്രക്കർ ഡൈവ്രറെ പൊലീസ് കസ്റ്റഡിയിലെടുത്തു.