കുടിയൊഴിപ്പിക്കൽ നിർത്തലാക്കണം

പുതിയതെരു: കണ്ണൂർ -ചാല ബൈപാസുമായി ബന്ധപ്പെട്ട 3 ഡി വിജ്ഞാപനവും മനുഷ്യത്വവിരുദ്ധ കുടിയൊഴിപ്പിക്കലും നിർത്തലാക്കണമെന്ന് കോട്ടക്കുന്ന് ബൈപാസ് വിരുദ്ധ കർമസമിതി നിർവാഹക സമിതിയോഗം ആവശ്യപ്പെട്ടു. ജനദ്രോഹപരവും മനുഷ്യത്വവിരുദ്ധവുമായ സർക്കാറി​െൻറ നടപടി നിർത്തിവെക്കണമെന്നും യോഗം ആവശ്യപ്പെട്ടു. ഇൗമാസം 26ന് കലക്ടറുടെ വസതിക്ക് മുന്നിലേക്കുള്ള മാർച്ചിൽ കോട്ടക്കുന്നിലെ മുഴുവൻ ജനങ്ങളെയും പങ്കെടുപ്പിക്കുമെന്ന് യോഗം തീരുമാനിച്ചു. യോഗത്തിൽ കർമസമിതി ചെയർമാൻ എം.എ. ഹംസ അധ്യക്ഷതവഹിച്ചു. ജനറൽ കൺവീനർ എൻ.എം. കോയ സമരപരിപാടികൾ വിശദീകരിച്ചു. സഹധർമൻ, പ്രതീപൻ, കെ.കെ. സുഹൈൽ, അശോകൻ, വേണു, മൂസാൻകുട്ടി, ഷീന, താജുദ്ദീൻ, അഹമ്മദ് കുട്ടി, പത്മനാഭൻ, സീനത്ത്, സുധീരൻ എന്നിവർ സംസാരിച്ചു.