കുറ്റക്കാരായ ​െപാലീസുകാർക്കെതിരെ കർശന നടപടി ^കോടിയേരി

കുറ്റക്കാരായ െപാലീസുകാർക്കെതിരെ കർശന നടപടി -കോടിയേരി കണ്ണൂർ: പൊലീസി​െൻറ ഭാഗത്തുനിന്ന് ചില തെറ്റുകളുണ്ടാവുന്നുണ്ടെന്നും അത്തരക്കാർെക്കതിരെ സർക്കാർ കർശനനടപടി സ്വീകരിക്കുന്നുണ്ടെന്നും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. കേരള മുനിസിപ്പൽ ആൻഡ് കോർപറേഷൻ സ്റ്റാഫ് യൂനിയൻ (കെ.എം.സി.എസ്.യു) 51ാം സംസ്ഥാന സമ്മേളനം കണ്ണൂരിൽ ഉദ്ഘാടനംെചയ്യുകയായിരുന്നു അദ്ദേഹം. വരാപ്പുഴ കസ്റ്റഡി മരണക്കേസിൽ ഇരയോടൊപ്പമാണ് സർക്കാർ നിലകൊണ്ടത്. യു.ഡി.എഫ് സർക്കാറി​െൻറ കാലത്ത് കസ്റ്റഡിമരണമുണ്ടായപ്പോൾ ഏതെങ്കിലും പൊലീസുകാരനെതിരെ കേസെടുത്തിട്ടുണ്ടോ? എൽ.ഡി.എഫ് സർക്കാർ പ്രതികൾക്കെതിരെ കേസെടുത്ത് ജയിലിലടച്ചു. എസ്.പിയെ വരെ സസ്പെൻഡ്ചെയ്തു. എന്തു പ്രശ്നമുണ്ടായാലും മുഖ്യമന്ത്രിയിൽ കുറ്റം കണ്ടെത്തുകയാണ് ഇപ്പോഴത്തെ രീതി. മുഖ്യമന്ത്രിയുടെ പ്രതിച്ഛായ തകർക്കാൻ ആസൂത്രിതമായ ശ്രമമാണ് നടക്കുന്നത്. സർക്കാറി​െൻറ നല്ല പ്രവർത്തനങ്ങൾ ചർച്ചാവിഷയമാവാതിരിക്കാനാണ് ഇത്തരം കാര്യങ്ങൾ ഉയർത്തിക്കൊണ്ടുവരുന്നതെന്നും കോടിയേരി പറഞ്ഞു. ജനാധിപത്യസംരക്ഷണം രാജ്യത്ത് ഏറ്റവും വലിയ രാഷ്ട്രീയപ്രശ്നമായി മാറിയിരിക്കുകയാണ്. അധികാരത്തിനായി എന്തുംചെയ്യും എന്നാണ് ബി.ജെ.പി രാജ്യത്ത് കാണിച്ചുകൊണ്ടിരിക്കുന്നത്. നരേന്ദ്ര മോദി ഭരണത്തിൽ വന്നതോടെ രാജ്യത്ത് നികുതിഭരണമാണ്. കേന്ദ്ര സർക്കാറി​െൻറ നയം മാറ്റുന്നതിനുവേണ്ടിയുള്ള പോരാട്ടം രാജ്യത്തെ സർവിസ് മേഖലയിലെ ജീവനക്കാർ ഏെറ്റടുക്കേണ്ട സാഹചര്യമാണെന്നും കോടിയേരി വ്യക്തമാക്കി. കേരളത്തിൽ വികസനപദ്ധതികൾ യാഥാർഥ്യമാക്കുന്നതോടൊപ്പം ഇരകളോടൊപ്പവും സർക്കാർ ഉണ്ടാവുമെന്നും കോടിയേരി കൂട്ടിച്ചേർത്തു.