ഉനൈസി​െൻറ മരണം: പോസ്​റ്റ്​മോർട്ടം റിപ്പോർട്ടിൽ മർദനമേറ്റതായ പരാമർശമില്ല

കണ്ണൂർ: എടക്കാെട്ട ഉനൈസി​െൻറ മരണം സംഭവിച്ചത് ക്രൂരമർദനത്തിനിരയായിട്ടല്ലെന്ന് പോസ്റ്റ്മോർട്ടം റിപ്പോർട്ടിലെ പ്രാഥമിക നിഗമനം. മേയ് രണ്ടിനാണ് എടക്കാെട്ട ഒാേട്ടാഡ്രൈവറായ ഉനൈസിനെ വീട്ടിനകത്തെ കിടപ്പുമുറിയിൽ മരിച്ച നിലയിൽ കണ്ടത്. വിവരമറിഞ്ഞ് എടക്കാട് പൊലീസ് സ്ഥലത്തെത്തിയാണ് ഉനൈസി​െൻറ മൃതദേഹം ഇൻക്വസ്റ്റ് നടത്തി പരിയാരം മെഡിക്കൽ കോളജിലേക്ക് പോസ്റ്റ്മോർട്ടത്തിനായി മാറ്റിയത്. ഇതിനിടെ മരിക്കുന്നതിന് ദിവസങ്ങൾക്ക് മുമ്പ് ഉനൈസിനെ എടക്കാട് പൊലീസ് കസ്റ്റഡിയിലെടുത്ത് ക്രൂരമർദനത്തിനിരയാക്കിയിരുന്നുവെന്ന പരാതിയുമായി ബന്ധുക്കൾ രംഗത്തെത്തിയിരുന്നു. ഉനൈസി​െൻറ സ്വന്തം കൈപ്പടയിലുള്ള കത്തിൽകൂടി കസ്റ്റഡിമർദനം സംബന്ധിച്ചുള്ള വെളിപ്പെടുത്തലുകൾ പുറത്തായതോടെ രാഷ്ട്രീയ പാർട്ടികളും സംഭവത്തിൽ വിശദമായ അന്വേഷണം നടത്തണമെന്ന ആവശ്യവുമായി രംഗത്തെത്തിയിരുന്നു. എന്നാൽ, കഴിഞ്ഞദിവസം പുറത്തുവന്ന പോസ്റ്റ്മോർട്ടം റിപ്പോർട്ടിൽ ഉനൈസി​െൻറ ശരീരത്തിൽ മാരകമുറിവുകളോ മർദനമേറ്റതായുള്ള തെളിവുകളോ ഉണ്ടെന്ന് പറയുന്നില്ല. അതേസമയം, ഉനൈസി​െൻറ ഇരുകൈത്തണ്ടകളിലും സിറിഞ്ച് ഉപയോഗിച്ചതായ അടയാളങ്ങളുള്ളതായി പോസ്റ്റ്മോർട്ടം റിപ്പോർട്ടിൽ സൂചിപ്പിക്കുന്നു.