കെ.ജി.ഒ.എ സംസ്​ഥാന സമ്മേളനം: ചരിത്ര സെമിനാറും തെരുവോര ചിത്രരചനയും ഇന്ന്​

കാഞ്ഞങ്ങാട്: മേയ് 12, 13 തീയതികളിൽ കാഞ്ഞങ്ങാട് നടക്കുന്ന കെ.ജി.ഒ.എ സംസ്ഥാന സമ്മേളനത്തി​െൻറ ഭാഗമായി ബുധനാഴ്ച ടൗൺഹാളിൽ ചിത്രപ്രദർശനവും ചരിത്ര സെമിനാറും നടക്കും. വൈകീട്ട് 3.30ന് സെമിനാർ ചരിത്രകാരൻ ഡോ.രാഘവൻ പയ്യനാട് ഉദ്ഘാടനം ചെയ്യും. ഡോ സി.ബാലൻ പ്രഭാഷണം നടത്തും. 4.30ന് ഫാഷിസത്തിനെതിരെ തെരുവോര ചിത്രരചന. തുടർന്ന് നാടകപ്രവർത്തകരായ സരസു ബാലുശ്ശേരി, സാവിത്രി ശ്രീധരൻ എന്നിവരെ ആദരിക്കും. രാത്രി ഏഴിന് കാലിക്കറ്റ് യൂനിവേഴ്സിറ്റി ലിറ്റിൽ തിയറ്റർ അവതരിപ്പിക്കുന്ന നാടകം 'മരണ മാച്ച്' അവതരിപ്പിക്കും. 10ന് വൈകീട്ട് സാംസ്കാരിക സമ്മേളനം. 11ന് ആകാശ് ഓഡിറ്റേറിയത്തിൽ നടക്കുന്ന പ്രതിനിധി സമ്മേളനം അഖിലേന്ത്യ കിസാൻസഭ ജനറൽ സെക്രട്ടറി അശോക് ധാവ്ളെ ഉദ്ഘാടനം ചെയ്യും. 12ന് വൈകീട്ട് അഞ്ചിന് നഗരസഭ ടൗൺഹാൾ പരിസരത്ത് നടക്കുന്ന പൊതുസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.