സി.പി.എം പ്രതിഷേധ പ്രകടനം

കണ്ണൂർ: സി.പി.എം പള്ളൂർ ലോക്കൽ കമ്മിറ്റി അംഗം കെ. ബാബുവിനെ ആർ.എസ്.എസ് സംഘം കൊലപ്പെടുത്തിയതിൽ പ്രതിഷേധിച്ച് സി.പി.എം നഗരത്തിൽ പ്രതിഷേധ പ്രകടനം നടത്തി. സ്റ്റേഡിയം കോർണറിൽ ആരംഭിച്ച പ്രകടനം നഗരംചുറ്റി തെക്കീബസാറിൽ സമാപിച്ചു. ഏരിയ സെക്രട്ടറി കെ.പി. സുധാകരൻ സംസാരിച്ചു. ജില്ല കമ്മിറ്റി അംഗം വയക്കാടി ബാലകൃഷ്ണൻ, പോത്തോടി സജീവൻ, കെ. ഗിരീഷ്കുമാർ, പള്ള്യത്ത് ശ്രീധരൻ, കാടൻ ബാലകൃഷ്ണൻ, കൊല്ലോൻ മോഹനൻ, എ. സുരേന്ദ്രൻ, കെ. ഷഹറാസ് തുടങ്ങിയവർ നേതൃത്വം നൽകി.