ചാളപറമ്പിൽ ബോംബുശേഖരം കണ്ടെത്തി

ഇരിട്ടി: തില്ലങ്കേരി ചാളപറമ്പിൽനിന്ന് ബോംബുശേഖരം കണ്ടെത്തി. 11 ഐസ്ക്രീം ബോംബുകളാണ് കണ്ടെത്തിയത്. ആളൊഴിഞ്ഞ പറമ്പിൽ പ്ലാസ്റ്റിക് ബക്കറ്റിൽ ഒളിപ്പിച്ചനിലയിലായിരുന്നു. കഴിഞ്ഞദിവസം തില്ലങ്കേരി കാർക്കോട് മേഖലയിൽനിന്ന് സ്റ്റീൽ ബോംബുകൾ കണ്ടെത്തിയിരുന്നു. മുഴക്കുന്ന് എസ്.ഐ പി. രാജേഷിന് ലഭിച്ച രഹസ്യവിവരത്തി​െൻറ അടിസ്ഥാനത്തിൽ നടത്തിയ പരിശോധനയിലാണ് ബോംബുകൾ കണ്ടെത്തിയത്. ഇരിട്ടി ഡിവൈ.എസ്.പി പ്രജീഷ് തോട്ടത്തിൽ സ്ഥലത്തെത്തി. ബോംബ്സ്ക്വാഡ് എസ്.ഐ ടി.വി. ശശിധരൻ, എ.എസ്.ഐ ജിയാസ്, എസ്.ഐ കെ. രവീന്ദ്രൻ, എ.എസ്.ഐ ജോസഫ്, സീനിയർ സിവിൽ പൊലീസ് ഓഫിസർ പി.കെ. ശശീന്ദ്രൻ, ജയ്സൺ, സുമേഷ്, മുനീർ, സിവിൽ പൊലീസ് ഓഫിസർമാരായ വിനീഷ്, ലിനേഷ്, രാജേഷ്, ഷിംജിത്ത് എന്നിവർ പരിശോധനയിൽ പങ്കെടുത്തു. ബോംബുകൾ പിന്നീട് നിർവീര്യമാക്കി.