മാപ്പിളബേ ഹാർബറിൽ ആധുനിക പാർക്ക് സ്ഥാപിക്കണം

കണ്ണൂർ സിറ്റി: ആയിക്കര മാപ്പിളബേ ഹാർബറിനെ വിനോദസഞ്ചാരികളുടെ ശ്രദ്ധയാകർഷിക്കുന്ന കേന്ദ്രമായി മാറ്റുന്നതിനുള്ള സാഹചര്യമൊരുക്കണമെന്ന് ആവശ്യപ്പെട്ട് നിയമസഭ സ്പീക്കർ പി. ശ്രീരാമകൃഷ്ണന് നിവേദനം നൽകി. എൻ. അബ്ദുല്ല കൾചറൽ ഫോറം, മർഹബ കൾചറൽ സ​െൻറർ എന്നിവ സംയുക്തമായാണ് സ്പീക്കർക്ക് നിവേദനം നൽകിയത്. ബേപ്പൂർ ബീച്ച് മാതൃകയിൽ കടലോര പാർക്ക്, ഡൂം ലൈറ്റ്, സിറ്റിങ്, സി.സി.ടി.വി, കംഫർട്ട് സ്റ്റേഷൻ, പൂന്തോട്ടം തുടങ്ങിയ വിനോദസാമഗ്രികളോടുകൂടിയ പാർക്ക് സ്ഥാപിക്കുന്നതിന് നടപടികൾ സ്വീകരിക്കണമെന്നും നിവേദനത്തിൽ പറയുന്നു.