ലഹരിവിരുദ്ധ ചർച്ചായോഗവും ജനകീയ കമ്മിറ്റി രൂപവത്​കരണവും

എടക്കാട്: എടക്കാട് കൂട്ടായ്മ 'വാട്സ്ആപ് ട്രൂപ്' സംഘടിപ്പിച്ച ലഹരി വിപത്തിനെതിരായ ചർച്ചായോഗവും ലഹരിവിരുദ്ധ ജനകീയ കമ്മിറ്റി രൂപവത്കരണവും എസ്.െഎ മഹേഷ് കണ്ടേമ്പത്ത് ഉദ്ഘാടനം ചെയ്തു. എടക്കാട് ബസാറിൽ സി.സി.ടി.വി കാമറകൾ സ്ഥാപിക്കുന്നതുൾപ്പെടെയുള്ള ലഹരി വിരുദ്ധ നടപടികൾ സ്വീകരിക്കാൻ യോഗത്തിൽ ധാരണയായി. എം.കെ. മുഹമ്മദ് അസാഹിദ് അധ്യക്ഷത വഹിച്ചു. എക്സൈസ് ഓഫിസർ ബി. നസീർ മുഖ്യപ്രഭാഷണം നടത്തി. റയീസ് കാടാച്ചിറ, എം.കെ. അബൂബക്കർ, അനിലേഷ് ആർഷ, പി.വി. അബൂബക്കർ, യു. അഷറഫ്, മുബാസ് നടാൽ, സി.ഒ. രാജേഷ്, രജീഷ് കൊമേരി എന്നിവർ പങ്കെടുത്തു. വി. ഷജിൽ സ്വാഗതവും സി.എം. സജേഷ് നന്ദിയും പറഞ്ഞു.