കലക്​ടറേറ്റ്​ മാർച്ച്​ നാളെ

കണ്ണൂര്‍: അലൂമിനിയം മെറ്റീരിയലി​െൻറ വില വർധിപ്പിച്ച കുത്തക കമ്പനികളുടെ നടപടിയില്‍ പ്രതിഷേധിച്ച് അലൂമിനിയം ലേബര്‍ കോണ്‍ട്രാക്ട് അസോസിയേഷന്‍ (എ.എല്‍.സി.എ) നേതൃത്വത്തില്‍ ബുധനാഴ്ച രാവിലെ ഒമ്പതിന് 13 ജില്ലകളിലെ കലക്ടറേറ്റിലേക്കും സെക്രേട്ടറിയറ്റിലേക്കും മാര്‍ച്ചും ധര്‍ണയും നടത്തുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. കണ്ണൂരിൽ സംസ്ഥാന സെക്രട്ടറി സുരേഷ് പാത്തിപ്പാറ ഉദ്ഘാടനം ചെയ്യും. ജില്ല പ്രസിഡൻറ് പ്രസൂല്‍ വടക്കുമ്പാട്, ജില്ല സെക്രട്ടറി സുജിത്ത് മൊറാഴ, പി.കെ. പ്രനില്‍, ടി.കെ. റജില്‍, കെ. സജീഷ് എന്നിവർ വാര്‍ത്തസമ്മേളനത്തില്‍ പങ്കെടുത്തു.