കൊറഗജ്ജൻ പുനഃപ്രതിഷ്ഠ കളിയാട്ട മഹോത്സവം സമാപിച്ചു

കാഞ്ഞങ്ങാട്: കല്യാൺ റോഡ് കൊറഗജ്ജൻ ദേവസ്ഥാനത്ത് നടന്ന നവീകരണ പുനഃപ്രതിഷ്ഠ മഹോത്സവം സമാപിച്ചു. ബായാർ സതീഷ് തന്ത്രി ചടങ്ങുകൾക്ക് മുഖ്യ കാർമികത്വം വഹിച്ചു. നവീകരിച്ച വിഗ്രഹം എഴുന്നള്ളത്ത്, ആചാര്യ വരവേൽപ്, ഗണപതി ഹോമം, സർവൈശ്വര്യ വിളക്കുപൂജ, കല്യാൺ റോഡ്‌ മാരിയമ്മൻ കോവിലിൽനിന്നുള്ള കാഴ്ചസമർപ്പണം, കെ.ആർ. വിജയൻ ആൻഡ് പാർട്ടിയുടെ ഭജന എന്നിവ നടന്നു. രാത്രി കൊറഗജ്ജൻ തെയ്യം, പഞ്ഞന്തായ ഗുളികൻ എന്നീ തെയ്യങ്ങൾ കെട്ടിയാടി.