കാടറിവ് യാത്രയോടെ കിനാക്കൂട്ടം സമാപിച്ചു

വളപട്ടണം: വളപട്ടണം ഗ്രാമപഞ്ചായത്ത് ലൈബ്രറിയുടെ നേതൃത്വത്തിൽ നടന്ന കുട്ടികളുടെ അവധിക്കാല പരിപാടിയായ കിനാക്കൂട്ടം സമാപിച്ചു. ആറളം വന്യജീവിസങ്കേതത്തിലേക്ക് നടത്തിയ കാടറിവ്‌ യാത്രയോടെയാണ് 13 ദിവസങ്ങളായി നടന്ന കിനാക്കൂട്ടം സമാപിച്ചത്. കാടറിവ് യാത്ര ആറളം വന്യജീവി സങ്കേതത്തിൽ ഡെപ്യൂട്ടി റേഞ്ച് ഫോറസ്റ്റ് ഓഫിസർ കെ.പി. സുനിൽകുമാർ ഉദ്ഘാടനംചെയ്തു. വളപട്ടണം ഗ്രാമപഞ്ചായത്ത് പ്രസിഡൻറ് വി.കെ. ലളിതാദേവി അധ്യക്ഷതവഹിച്ചു. ഫോറസ്റ്റ് വാച്ചർ സുശാന്ത് മടപ്പുരക്കൽ ക്ലാസെടുത്തു. ലൈബ്രറി ബാലവേദി ജോ. കൺവീനർ ടി. അപർണ സ്വാഗതം പറഞ്ഞു. വൈസ് പ്രസിഡൻറ് പി.പി. നദ മറിയം നന്ദിപറഞ്ഞു. വളപട്ടണം ഗ്രാമപഞ്ചായത്ത് വിദ്യാഭ്യാസ -ആരോഗ്യ സ്ഥിരംസമിതി അധ്യക്ഷ പി.പി. ഷമീമ, അംഗങ്ങളായ സി. ഹനീഫ, എ.ടി. സമീറ തുടങ്ങിയവർ യാത്രക്ക് നേതൃത്വം നൽകി.