ചരിത്രസ്​മാരകങ്ങൾ കോർപറേറ്റുകൾക്ക്​; ഡി.വൈ.എഫ്​.​െഎ പ്രതിഷേധക്കോട്ട തീർത്തു

കാഞ്ഞങ്ങാട്: രാജ്യത്തെ സുപ്രധാനമായ ചരിത്രസ്മാരകങ്ങളും വിനോദസഞ്ചാര കേന്ദ്രങ്ങളും കോർപറേറ്റുകൾക്ക് കൈമാറുന്നതിനെതിരെ ഡി.വൈ.എഫ്.ഐ പ്രതിഷേധക്കോട്ട തീർത്തു. ബേക്കൽ കോട്ട കൈമാറുന്നതിനെതിരെ 'സേവ് ബേക്കൽ ഫോർട്ട്, സേവ് ഹെറിറ്റേജ്' മുദ്രാവാക്യമുയർത്തി ഡി.വൈ.എഫ്.ഐ ജില്ല കമ്മിറ്റിയാണ് ബേക്കൽ കോട്ടക്ക് മുന്നിൽ പ്രതിഷേധക്കോട്ടയൊരുക്കിയത്. ചരിത്രകാരനും കോഴിക്കോട് സർവകലാശാല മുൻ വൈസ് ചാൻസലറുമായ ഡോ. കെ.കെ.എൻ. കുറുപ്പ് ഉദ്ഘാടനം ചെയ്തു. ജില്ല പ്രസിഡൻറ് ശിവജി വെള്ളിക്കോത്ത് അധ്യക്ഷത വഹിച്ചു. പഞ്ചായത്ത് പ്രസിഡൻറ് പി. ഇന്ദിര, പ്രഫ. സി. ബാലൻ, ഡി.വൈ.എഫ്.ഐ സംസ്ഥാനകമ്മിറ്റി അംഗങ്ങളായ കെ. സബീഷ്, സി.ജെ. സജിത് എന്നിവർ സംസാരിച്ചു. എ.വി. ശിവപ്രസാദ് സ്വാഗതം പറഞ്ഞു.