വാർഷികാഘോഷവും അനുമോദനവും

ചൊക്ലി: കോറോത്ത് അംഗൻവാടി വാർഷികാഘോഷവും എസ്.എസ്.എൽ.സി പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയ അംഗൻവാടിയിലെ പൂർവവിദ്യാർഥികളെ ആദരിക്കലും നടന്നു. ചൊക്ലി ഗ്രാമപഞ്ചായത്ത് പ്രസിഡൻറ് വി.കെ. രാഗേഷ് ഉദ്ഘാടനം ചെയ്തു. ഗ്രാമപഞ്ചായത്തംഗം അജിതാ ചേപ്രത്ത് അധ്യക്ഷത വഹിച്ചു. സി.വി. രാജൻ മാസ്റ്റർ മുഖ്യപ്രഭാഷണം നടത്തി. പാനൂർ സി.ഡി.പി.ഒ ഉമ, ഐ.സി.ഡി.എസ് സൂപ്പർവൈസർ ബിന്ദു എന്നിവർ മുഖ്യാതിഥികളായി. കെ.കെ. പത്മനാഭൻ, കെ. ഹരീന്ദ്രൻ മാസ്റ്റർ, ടി. ബാലൻ എന്നിവർ സംസാരിച്ചു. എസ്.എസ്.എൽ.സി പരീക്ഷയിൽ മുഴുവൻ എ പ്ലസ് നേടിയ പൂർവവിദ്യാർഥികളായ ഐശ്വര്യ, നിഖിത എന്നിവരെ അനുമോദിച്ചു. എ. ബാബു സ്വാഗതവും പി.പി. രാമകൃഷ്ണൻ നന്ദിയും പറഞ്ഞു.