കല്യാട് പുസ്തകപ്പയറ്റ് നടത്തി

ഇരിക്കൂർ: കല്യാട് ഇ.എം.എസ് വായനശാലയുടെ ആഭിമുഖ്യത്തിൽ പുസ്തകപ്പയറ്റ് സി.പി.എം ലോക്കൽ സെക്രട്ടറി ബി. രാമചന്ദ്രൻ ഉദ്ഘാടനം ചെയ്തു. വി.സി. കുഞ്ഞിനാരായണൻ അധ്യക്ഷത വഹിച്ചു. ഇരിട്ടി താലൂക്ക് ലൈബ്രറി കൗൺസിൽ സെക്രട്ടറി പ്രദീപൻ കണ്ണോത്ത് പുസ്തകം ഏറ്റുവാങ്ങി. വായനശാല സെക്രട്ടറി രമേശൻ കർത്ത സ്വാഗതവും ലൈബ്രേറിയൻ രാഖി രവീന്ദ്രൻ നന്ദിയും പറഞ്ഞു. പ്രവാസി കുടുംബസംഗമം ഇരിക്കൂർ: കാഞ്ഞിലേരി പൊതുജന വായനശാല ആൻഡ് ഗ്രന്ഥാലയത്തി​െൻറ സുവർണ ജൂബിലി ആഘോഷത്തി​െൻറ ഭാഗമായി വായനശാല പരിധിയിലെ പ്രവാസികളുടെ കുടുംബ സംഗമം സംഘടിപ്പിച്ചു. വായനശാല സെക്രട്ടറി ഇ.പി. ജയപ്രകാശ് അധ്യക്ഷത വഹിച്ചു. കേരള പ്രവാസി സംഘം സംസ്ഥാന സമിതി അംഗം ടി.പി. നാരായണൻ ഉദ്ഘാടനം ചെയ്തു. പി. മഹിജമണി, പി.വി. രാധാമണി, രഞ്ജിനി എന്നിവർ സംസാരിച്ചു. കെ.കെ. നാരായണൻ സ്വാഗതവും കെ. രാധാമണി നന്ദിയും പറഞ്ഞു.