സി.പി. കുഞ്ഞിരാമന്‍ ഇന്ന് ചുമതലയേൽക്കും

തലശ്ശേരി: മത്സ്യത്തൊഴിലാളി ക്ഷേമനിധി ബോര്‍ഡ് ചെയര്‍മാനായി സി.പി. കുഞ്ഞിരാമന്‍ വെള്ളിയാഴ്ച ചുമതലയേല്‍ക്കും. മത്സ്യത്തൊഴിലാളി ഫെഡറേഷന്‍ സംസ്ഥാന വൈസ് പ്രസിഡൻറും സി.പി.എം തലശ്ശേരി ഏരിയ കമ്മിറ്റി അംഗവുമാണ്. മത്സ്യഫെഡ് ഡയറക്ടർ, തലശ്ശേരി നഗരസഭ ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയര്‍മാൻ, മത്സ്യത്തൊഴിലാളി യൂനിയന്‍ (സി.ഐ.ടി.യു) സംസ്ഥാന സെക്രട്ടറി, കണ്ണൂര്‍ ജില്ല സെക്രട്ടറി, പ്രസിഡൻറ് എന്നീനിലകളില്‍ പ്രവര്‍ത്തിച്ചിട്ടുണ്ട്. 1980 മുതല്‍ സി.പി.എം തലശ്ശേരി ഏരിയ കമ്മിറ്റി അംഗമാണ്. തലശ്ശേരി ഗോപാലപ്പേട്ടയിലെ പരേതരായ അമ്പാടിയുടെയും ദേവകിയുടെയും മകനാണ്. തലശ്ശേരി പബ്ലിക് സര്‍വൻറ്സ് ബാങ്കില്‍നിന്ന് വിരമിച്ച മുഴപ്പിലങ്ങാട് സമുദ്ര നിവാസില്‍ വിപിനയാണ് ഭാര്യ. ദിമിത്രോവ്, ഡാനിയൽ, പരേതനായ ലെനിന്‍ എന്നിവര്‍ മക്കളാണ്.