സുജിത് വധക്കേസ് അട്ടിമറിക്കാനുള്ള നീക്കം അവസാനിപ്പിക്കണം ^വെൽഫെയർ പാർട്ടി

സുജിത് വധക്കേസ് അട്ടിമറിക്കാനുള്ള നീക്കം അവസാനിപ്പിക്കണം -വെൽഫെയർ പാർട്ടി കണ്ണൂർ: ചെക്കിക്കുളം പള്ളിയത്ത് പട്ടികജാതി കോളനിയിലെ ആർട്ടിസ്റ്റ് കൊയിലേരിയൻ സുജിത്തി​െൻറ കൊലപാതക അന്വേഷണം അട്ടിമറിക്കാനുള്ള ശ്രമം അവസാനിപ്പിച്ച് കുടുംബത്തിന് നീതി ലഭ്യമാക്കാൻ നടപടി കൈക്കൊള്ളണമെന്ന് വെൽഫെയർ പാർട്ടി ആവശ്യപ്പെട്ടു. ജില്ല പ്രസിഡൻറ് സൈനുദ്ദീൻ കരിവെള്ളൂർ, ജില്ല സെക്രട്ടറി സി. മുഹമ്മദ് ഇംതിയാസ്, ജില്ല കമ്മിറ്റി അംഗങ്ങളായ ലില്ലി ജെയിംസ്, ത്രേസ്യാമ്മ മാളിയേക്കൽ, പാർട്ടി മണ്ഡലം നേതാക്കളായ പ്രമോദ് ആരംഭൻ, ജബ്ബാർ ചേലേരി, മുഹമ്മദ് ചേലേരി എന്നിവരടങ്ങുന്ന സംഘം സുജിത്തി​െൻറ വീട് സന്ദർശിച്ചു.