കളരിപ്പയറ്റ്​ സെമിനാറും അനുമോദനവും

കണ്ണൂര്‍: ജില്ല കളരിപ്പയറ്റ് അസോസിയേഷ​െൻറ ആഭിമുഖ്യത്തില്‍ 'കളരിപ്പെരുമ -2018' എന്ന പേരിൽ കളരിപ്പയറ്റ് സെമിനാറും ഡല്‍ഹിയില്‍ നടന്ന ദേശീയ കളരിപ്പയറ്റ് ചാമ്പ്യന്‍ഷിപ്പിലെ വിജയികള്‍ക്ക് അനുമോദനവും സംഘടിപ്പിക്കും. ശനിയാഴ്ച രാവിലെ 9.30ന് കണ്ണൂർ ശിക്ഷക്‌ സദനില്‍ സ്‌പോര്‍ട്‌സ് അതോറിറ്റി ഓഫ് ഇന്ത്യ ഡയറക്ടര്‍ ഡോ. ജി. കിഷോര്‍ ഉദ്ഘാടനം ചെയ്യും. ഇന്ത്യൻ കളരിപ്പയറ്റ് ഫെഡറേഷൻ പ്രസിഡൻറും റിട്ട. ഡി.ജി.പിയുമായ ഡോ. എം.എന്‍. കൃഷ്ണമൂര്‍ത്തി വിശിഷ്ടാതിഥിയാകും. ഫെഡറേഷൻ സെക്രട്ടറി അഡ്വ. പൂന്തുറ സോമന്‍ മുഖ്യപ്രഭാഷണം നടത്തും. വാര്‍ത്തസമ്മേളനത്തില്‍ പി. ശശീന്ദ്രന്‍ ഗുരുക്കള്‍, വി.കെ. രവീന്ദ്രന്‍ ഗുരുക്കള്‍, എ. വിജയന്‍ ഗുരുക്കള്‍, പി. ജനാര്‍ദനന്‍ ഗുരുക്കള്‍, കെ. സുജിത്ത് ഗുരുക്കള്‍ എന്നിവര്‍ സംബന്ധിച്ചു.