കൺസ്യൂമർ ഫെഡ്​ ജീവനക്കാരുടെ ധർണ

കണ്ണൂർ: കൺസ്യൂമർ ഫെഡ് വർക്കേഴ്സ് അസോസിയേഷൻ (സി.െഎ.ടി.യു) ജില്ല കമ്മിറ്റി നേതൃത്വത്തിൽ ജീവനക്കാർ കൺസ്യൂമർ ഫെഡ് റീജനൽ ഒാഫിസിന് മുന്നിൽ ധർണ നടത്തി. ജീവനക്കാരുടെ പ്രശ്നങ്ങൾ പഠിക്കാൻ സർക്കാർ നിയമിച്ച കമീഷൻ സമർപ്പിച്ച റിപ്പോർട്ട് ചർച്ചചെയ്ത് ശമ്പളം പരിഷ്കരിക്കുക, ശമ്പള സ്കെയിൽ നടപ്പാക്കുക, മിനിമം വേതനം അനുവദിക്കുക തുടങ്ങിയ ആവശ്യങ്ങൾ ഉന്നയിച്ചാണ് ധർണ. സി.െഎ.ടി.യു ജില്ല സെക്രട്ടറി പി. രാമകൃഷ്ണൻ ഉദ്ഘാടനം ചെയ്തു. സംസ്ഥാന സെക്രട്ടറി പി.വി. ശൈലേഷ് ബാബു അധ്യക്ഷത വഹിച്ചു.