ഫല വൃക്ഷത്തൈ വിതരണ വിത്ത് നടീലിന് ജില്ലയിൽ തുടക്കമായി

ഒരു ലക്ഷം വൃക്ഷത്തൈകളാണ് സ്കൗട്ട് ഗൈഡുകൾ തയ്യാറാക്കുന്നത്. (foto must, ഉഗ്രനാക്കണേ ) പെരിങ്ങത്തൂർ: കേരളാ സ്റ്റേറ്റ് ഭാരത് സ്കൗട്ട്സ് ആന്റ് ഗൈഡ്സ് തലശ്ശേരി ജില്ലാ അസോസിയേഷന്റെ നേതൃത്വത്തിലുള്ള ഫലവൃക്ഷത്തൈ വിതരണത്തിനായുള്ള വിത്ത് നടീൽ പ്രവർത്തനങ്ങൾക്ക് ജില്ലയിൽ തുടക്കമായി. ജില്ലയിലെ മുഴുവൻ കുട്ടികൾക്കും ലഭ്യമാവുന്ന രീതിയിൽ ഒരു ലക്ഷം വൃക്ഷത്തൈകളാണ് സ്കൗട്ട് ഗൈഡ് കുട്ടികളും അധ്യാപകരും ഒരുക്കുന്നത്. മാവ്, പ്ലാവ്, പുളി എന്നീ ഫലവൃക്ഷങ്ങളാണ് പ്രധാനമായും തയ്യാറാക്കുന്നത്. വിത്ത് പാകിയ ശേഷം വേണ്ട പരിപാലനങ്ങൾ നൽകി മുളപ്പിച്ച് ജൂൺ 5 ന് പരിസ്ഥിതി ദിനത്തിൽ മുഴുവൻ കുട്ടികൾക്കും സൗജന്യമായി അതാത് യൂനിറ്റുകൾ വിതരണം ചെയ്യും. നമുക്കുള്ള തൈകൾ നമ്മൾ തന്നെ ഒരുക്കുന്നു എന്ന സന്ദേശമുൾക്കൊണ്ടാണ് തൈ വിതരണം നടക്കുക. ജില്ലാ തല വൃക്ഷത്തൈ വിതരണ വിത്ത് നടീൽ ചടങ്ങിന്റെ ഉദ്ഘാടനം പെരിങ്ങത്തൂർ മുസ്ലീം എൽ .പി .സ്കൂളിൽ വച്ച് പാനൂർ നഗരസഭാ കൗൺസിലർ ഉമൈസ തിരുവമ്പാടി തേൻവരിക്കച്ചക്കയുടെ വിത്ത് നട്ട് നിർവ്വഹിച്ചു. ഗൈഡ്‌ വിഭാഗം ജില്ലാ കമ്മീഷണർ രമണി പുതുക്കുടി അധ്യക്ഷത വഹിച്ചു.പെരിങ്ങത്തൂർ മുസ്ലീം എൽ .പി .സ്കൂൾ മാനേജർ എൻ.എ.അബൂബക്കർ മാസ്റ്റർ,എ.ഡി.സി.മാരായ പി.ഗംഗാധരൻ, ടി.കെ.ഗോപിനാഥൻ, ഗൈഡ് വിഭാഗം ഡി.ഒ.സി.ജസീന്ദാ പെരേരാ , ഗൈഡ് വിഭാഗം ഡി.ടി.സി. സി.സൗമിനി, അപർണ്ണ ,വി .പി .ഷംസുദ്ദീൻ, അജേഷ്, രജനി, കെ.പി.മുഹമ്മദ് സാദിഖ് എന്നിവർ സംസാരിച്ചു. ജില്ലാ സെക്രട്ടറി പി.ബിജോയ് സ്വാഗതവും പി.സബിൻ നന്ദിയും പറഞ്ഞു. എല്ലാ ഉപജില്ലകളിലും തെരഞ്ഞെടുക്കപ്പെട്ട വിവിധ കേന്ദ്രങ്ങളിൽ നഴ്സറികൾ തുടങ്ങാനാണ് ഉദ്ദേശിക്കുന്നത്.