യൂത്ത് കോൺഗ്രസ് മാർച്ച്

പഴയങ്ങാടി: മാടായിപ്പാറയിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യുമെന്ന് പ്രഖ്യാപിച്ച കുടിവെള്ള പദ്ധതി ഉദ്ഘാടനം വൈകുന്നതിൽ പ്രതിഷേധിച്ച് കല്യാശ്ശേരി നിയോജക മണ്ഡലം യൂത്ത് കോൺഗ്രസ് കമ്മിറ്റി മാടായിപ്പാറ കുടിവെള്ള പദ്ധതി ജലസംഭരണ കേന്ദ്രത്തിലേക്ക് മാർച്ച് നടത്തി. യൂത്ത് കോൺഗ്രസ് ലോക്സഭ മണ്ഡലം പ്രസിഡൻറ് ജോഷി കണ്ടത്തിൽ ഉദ്ഘാടനം ചെയ്തു. നിയോജക മണ്ഡലം യൂത്ത് കോൺഗ്രസ് പ്രസിഡൻറ് എ.വി. സനിൽ അധ്യക്ഷത വഹിച്ചു. സുധീർ വെങ്ങര, മടപ്പള്ളി പ്രദീപൻ, ദേവൻ കപ്പച്ചേരി, എം.വി. സജിത്ത്, സുധീഷ് വെള്ളച്ചാൽ എന്നിവർ സംസാരിച്ചു. മാർച്ചിന് ജമാൽ വിളയാങ്കോട്, ജിജേഷ് ചട്ടോട് എന്നിവർ നേതൃത്വം നൽകി. പഴയങ്ങാടി എസ്.ഐ ടി.വി. ചന്ദ്ര​െൻറ നേതൃത്വത്തിലുള്ള പൊലീസ് സംഘം വാട്ടർ ടാങ്കിന് സമീപം പ്രതിഷേധ മാർച്ച് തടഞ്ഞു.