പരിയാരം മഖാം ഉറൂസ് നാളെ ആരംഭിക്കും

മട്ടന്നൂര്‍: പരിയാരം മഖാം ഉറൂസ് ഞായറാഴ്ച മുതല്‍ ഏപ്രില്‍ 5 വരെ പരിയാരം നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഞായറാഴ്ച രാവിലെ പതാക ഉയര്‍ത്തുന്നതോടെയാണ് ഉറൂസിന് തുടക്കമാവുക. വൈകുന്നേരം സയ്യിദ് മഹ്മൂദ് സഫ്‌വാന്‍ തങ്ങള്‍ ഏഴിമല മതപ്രഭാഷണ പരമ്പര ഉദ്ഘാടനം ചെയ്യും. അമീന്‍ ഹുദവി വണ്ടൂര്‍ മുഖ്യപ്രഭാഷണം നടത്തും. തുടര്‍ന്നുള്ള ദിവസങ്ങളില്‍ പാണക്കാട് ഹമീദലി ശിഹാബ് തങ്ങള്‍, മുസ്തഫ ഹുദവി ആക്കോട്, അലി അക്ബര്‍ ബാഖവി, അബ്ദുല്‍ കരീം അസ്ഹരി, ബഷീര്‍ ഫൈസി അല്‍ അസ്ഹരി മാണിയൂര്‍, ഷാഫി ഫൈസി ഇര്‍ഫാനി, റഷീദ് സഅദി രാമന്തളി, സി.വി. അബ്ദുറഹീം എന്നിവര്‍ പ്രഭാഷണം നടത്തും. സമാപന ദിവസമായ വ്യാഴാഴ്ച മൂര്യാട് ഉസ്താദ് ദിഖ്ര്‍ ദുആ മജ്‌ലിസിന് നേതൃത്വം നല്‍കും. വാര്‍ത്താസമ്മേളനത്തില്‍ എം.കെ. മുഹമ്മദ്, അബ്ദുള്‍ കരീം അസ്ഹരി, എം. അഷറഫ്, വി. മുഹമ്മദ്, വി. ഇസ്മായില്‍, ഷുക്കൂര്‍ ആലമ്പത്ത് എന്നിവര്‍ പങ്കെടുത്തു.