ഫോക്​ലോർ അക്കാദമി കോൽക്കളി മഹോത്സവം ഉദ്ഘാടനം

പയ്യന്നൂർ: കേരള ഫോക്‌ലോർ അക്കാദമിയുടെ ആഭിമുഖ്യത്തിൽ മൂന്നുദിവസങ്ങളിലായി പയ്യന്നൂർ മഹാദേവ ഗ്രാമത്തിൽ നടക്കുന്ന കോൽക്കളി മഹോത്സവത്തി​െൻറ ഉദ്ഘാടനം പയ്യന്നൂർ നഗരസഭ ചെയർമാൻ ശശി വട്ടക്കൊവ്വൽ നിർവഹിച്ചു. എരഞ്ഞോളി മൂസ അധ്യക്ഷതവഹിച്ചു. ഫോക്‌ലോർ അക്കാദമി സെക്രട്ടറി കീച്ചേരി രാഘവൻ, പയ്യന്നൂർ കുഞ്ഞിരാമൻ, സി.കെ. രമേശൻ മാസ്റ്റർ, ഇന്ദുലേഖ പുത്തലത്ത്, കെ. ശിവകുമാർ, പി.വി. ലാവ്ലിൻ എന്നിവർ സംസാരിച്ചു. കോൽക്കളി ആചാര്യൻ ഇടവലത്ത് കുഞ്ഞിക്കണ്ണപ്പൊതുവാളുടെ സ്മാരകമായി നിർമിച്ച കളിത്തട്ടിലാണ് മൂന്നുദിവസങ്ങളിലായി കോൽക്കളി അരങ്ങേറുന്നത്. കളിത്തട്ടി​െൻറ ഉദ്ഘാടനം കെ. ശിവകുമാർ നിർവഹിച്ചു. തുടർന്ന് വിവിധ കോൽക്കളികൾ അരങ്ങേറി.