നേത്രാവതിയും ഫൽഗുനിയും മലിനമെന്ന് പഠനം

മംഗളൂരു: നേത്രാവതി, ഫൽഗുനി നദികളിലെ ജലത്തിൽ വൻതോതിൽ മാലിന്യം കലർന്നതായി പഠന റിപ്പോർട്ട്. നാഷനൽ എൻവിറോൺമ​െൻറ് കെയർ ഫൗണ്ടേഷൻ വളൻറിയർമാരും പരിസ്ഥിതി പ്രവർത്തകരും ചേർന്ന് തോണികളിൽ സഞ്ചരിച്ച് നടത്തിയതാണ് പഠനം. ആകാശനീല നിറം ദൃശ്യമാവാതെ കറുത്തിരുണ്ട ജലമാണ് സംഘം കണ്ടത്. മത്സ്യങ്ങൾ ചത്തുപൊന്തിക്കിടന്നു. ഓയിൽ കലർന്ന കൊഴുത്ത വെള്ളത്തിന് ദുർഗന്ധമുണ്ട്. ഫാക്ടറി മാലിന്യങ്ങൾ തള്ളുന്നതാണ് പ്രധാന കാരണം.