ദുരന്ത നിവാരണ പരിശീലനം

പയ്യന്നൂര്‍: ഫയര്‍ഫോഴ്സ് ഓഫിസില്‍ നടന്ന ദുരന്തനിവാരണ പരിശീലന പരിപാടിയുടെ ഉദ്ഘാടനം പെരിങ്ങോം സി.ആർ.പി.എഫ് ഡി.ഐ.ജി എം.ജെ. വിജയ് നിർവഹിച്ചു. നഗരസഭ ചെയര്‍മാന്‍ അഡ്വ. ശശിവട്ടക്കൊവ്വല്‍ അധ്യക്ഷത വഹിച്ചു. സ്റ്റേഷന്‍ ഓഫിസര്‍ കെ.പി. ബാലകൃഷ്ണന്‍ പദ്ധതി വിശദീകരിച്ചു. ദുരന്ത നിവാരണ സേന രൂപവത്കരണത്തിനും പരിശീലനത്തിനും അസി. സ്റ്റേഷന്‍ ഓഫിസര്‍ കെ.വി. പ്രഭാകരന്‍ നേതൃത്വം നല്‍കി. നഗരസഭ വൈസ് ചെയര്‍മാന്‍ കെ.പി. ജ്യോതി സ്വാഗതം പറഞ്ഞു. മൂന്നാഴ്ചകളിലായി നടക്കുന്ന പരിശീലന പരിപാടിയില്‍ പയ്യന്നൂര്‍ നഗരസഭയിലെ 44 വാര്‍ഡുകളില്‍ നിന്നായി നൂറോളം യുവതീ യുവാക്കളാണ് പങ്കെടുക്കുന്നത്.