മത്സ്യത്തൊഴിലാളികൾ ജാഗ്രത പാലിക്കണം

കണ്ണൂർ: കന്യാകുമാരിക്കുതെക്ക് ശ്രീലങ്കക്ക് പടിഞ്ഞാറ് ഉൾക്കടലിൽ ഉണ്ടായിട്ടുള്ള ന്യൂനമർദം അടുത്ത 48 മണിക്കൂറിൽ ശക്തിപ്പെടുകയും വടക്കു പടിഞ്ഞാറൻ ദിശയിൽ സഞ്ചരിക്കാനും സാധ്യതയുള്ളതിനാൽ കടലിനുള്ളിൽ കാറ്റി​െൻറ വേഗം മണിക്കൂറിൽ 60 കി.മീ വരെയും തിരമാല സാധാരണയിൽനിന്നും 3.2 മീറ്റർ വരെയാകാനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. അതിനാൽ മത്സ്യത്തൊഴിലാളികൾ ജാഗ്രത പാലിക്കണമെന്നും മാർച്ച് 13ന് ഉച്ചവരെ എറണാകുളം മുതലുള്ള തെക്കൻ കടലിൽ മത്സ്യബന്ധനത്തിന് പോകരുതെന്നും കണ്ണൂർ ഫിഷറീസ് അസിസ്റ്റൻറ് ഡയറക്ടർ അറിയിച്ചു.