അംഗൻവാടി ശിലാസ്ഥാപനം

ചൊക്ലി: ചൊക്ലി ഗ്രാമ പഞ്ചായത്ത് 17ാം വാർഡിലെ ഗ്രാമത്തി ശ്രീനാരായണമഠത്തിൽ പ്രവർത്തിക്കുന്ന അംഗൻവാടിക്കായി ദേശീയ ഗ്രാമീണ തൊഴിലുറപ്പ് ഫണ്ട്, പാനൂർ ബ്ലോക്ക് പഞ്ചായത്ത്, ചൊക്ലി ഗ്രാമപഞ്ചായത്ത് എന്നിവയുടെ സഹകരണത്തോടെ നിർമിക്കുന്ന അംഗൻവാടിയുടെ ശിലാസ്ഥാപനം നടന്നു. പാനൂർ ബ്ലോക്ക് പഞ്ചായത്ത് പ്രസിഡൻറ് കെ.ഇ. കുഞ്ഞബ്ദുല്ല ശിലാസ്ഥാപനം ഉദ്ഘാടനം ചെയ്തു. ചൊക്ലി ഗ്രാമപഞ്ചായത്ത് പ്രസിഡൻറ് വി.കെ. രാകേഷ് അധ്യക്ഷത വഹിച്ചു. ആരതി, ജില്ല പഞ്ചായത്തംഗം ടി.ആർ. സുശീല, പാനൂർ ബ്ലോക്ക് പഞ്ചായത്തംഗങ്ങളായ കെ.പി. ഷമീമ, വത്സല, ചൊക്ലി ഗ്രാമ പഞ്ചായത്തംഗങ്ങളായ ഗീത, മിനി, ബി.ഡി.ഒ സുഭാഷ് എന്നിവർ സംസാരിച്ചു. വി. പത്മനാഭൻ സ്വാഗതവും കെ.പി. സജീന്ദ്രൻ നന്ദിയും പറഞ്ഞു.