മുസ്​ലിംലീഗ് ഉണർത്തുജാഥ

ശ്രീകണ്ഠപുരം: മുസ്ലിംലീഗ് സ്ഥാപകദിനത്തോടനുബന്ധിച്ച് ശ്രീകണ്ഠപുരത്ത് സന്ദേശജാഥയും ഉണർത്തുജാഥയും നടത്തി. വയക്കരയിൽ മണ്ഡലം ലീഗ് പ്രസിഡൻറ് പി.ടി.എ. കോയ മാസ്റ്റർ കെ.പി.എ. റഹ്മാന് പതാക നൽകി ഉദ്ഘാടനംചെയ്തു. തുടർന്ന് കാഞ്ഞിലേരി, കണിയാർവയൽ, നിടിയേങ്ങ, ഐച്ചേരി എന്നിവിടങ്ങളിൽ പ്രയാണം നടത്തി. വൈകീട്ട് പഴയങ്ങാടിയിൽനിന്നാരംഭിച്ച ഉണർത്തുജാഥ ശ്രീകണ്ഠപുരത്ത് സമാപിച്ചു. സമാപനസമ്മേളനം ജില്ല ലീഗ് വൈസ് പ്രസിഡൻറ് അഡ്വ. എസ്. മുഹമ്മദ് ഉദ്ഘാടനംചെയ്തു. എൻ.പി. സിദ്ദീഖ് അധ്യക്ഷതവഹിച്ചു. ജില്ല യൂത്ത്ലീഗ് വൈസ് പ്രസിഡൻറ് എൻ.പി. റഷീദ് മാസ്റ്റർ മുഖ്യപ്രഭാഷണം നടത്തി. വിവിധ കേന്ദ്രങ്ങളിലായി ജില്ല ലീഗ് കമ്മിറ്റിയംഗം കെ. സലാഹുദ്ദീൻ, മണ്ഡലം സെക്രട്ടറി എ.പി. മുനീർ, യു.പി. മുസ്തഫ, വി.പി. അബ്ദുറഹ്മാൻ, അഡ്വ. മുഹമ്മദ് അനീഫ്, യു.പി. അഫ്സൽ, ഹംസ വയക്കര, സി. അബു മാസ്റ്റർ, കെ.ആർ. അഫ്സൽ, പി. നൂറുദ്ദീൻ, കെ.പി. അബ്ദുറഹ്മാൻ, ഡോ. പി.ടി. കബീർ എന്നിവർ സംസാരിച്ചു.