ഉത്സവത്തിനിടെ അക്രമം: പൂക്കോത്ത് നടയിൽ പരിപാടി വേണ്ടെന്ന് പൊലീസ്

തളിപ്പറമ്പ്: തൃച്ചംബരം ക്ഷേേത്രാത്സവത്തിനിടെ ശനിയാഴ്ചയുണ്ടായ അക്രമസംഭവത്തെത്തുടർന്ന് പൂക്കോത്ത് നടയിൽ കലാപരിപാടികൾക്ക് പൊലീസ് വിലക്കേർപ്പെടുത്തി. പരിപാടികൾ നടത്താൻ പൊലീസ് നൽകിയ അനുമതി റദ്ദാക്കി ശ്രീകൃഷ്ണ സേവാസമിതിക്ക് കത്തുനൽകി. ഉത്സവ ചടങ്ങുകളൊഴികെ മറ്റ് പരിപാടികളൊന്നും നടത്തരുതെന്നാണ് പൊലീസ് അറിയിച്ചത്. ഇതേത്തുടർന്ന്, ഞായറാഴ്ച നിശ്ചയിച്ച പരിപാടികൾ നടന്നില്ല. പരിപാടികൾക്കിടെ ഇരുവിഭാഗങ്ങൾ ഏറ്റുമുട്ടാൻ സാധ്യതയുണ്ടെന്ന രഹസ്യാന്വേഷണ വിഭാഗത്തി​െൻറ റിപ്പോർട്ടിനെ തുടർന്നാണ് പരിപാടികൾ റദ്ദാക്കാൻ പൊലീസ് തീരുമാനിച്ചത്.