അർബുദ ബോധവത്​കരണവുമായി ടി.എസ്​.എസ്​.എസ്​

കണ്ണൂർ: അന്താരാഷ്ട്ര വനിത ദിനാചരണത്തി​െൻറ ഭാഗമായി മലബാര്‍ കാന്‍സര്‍ സ​െൻററും (എം.സി.സി) തലശ്ശേരി സോഷ്യല്‍ സര്‍വിസ് സൊസൈറ്റി (ടി.എസ്.എസ്.എസ്) ആശാകിരണവും സംയുക്തമായി കന്യാസ്ത്രീകള്‍ ഉള്‍പ്പെടെയുള്ളവര്‍ക്കായി കാന്‍സര്‍ കണ്ടെത്തുന്നതിനും തടയുന്നതിനുമായി ബോധവത്കരണ ക്ലാസും പരിശീലനവും നടത്തുന്നു. തളിപ്പറമ്പ് സ​െൻറ് മേരീസ് ഓഡിറ്റോറിയത്തില്‍ മാർച്ച് എട്ടിന് രാവിലെ 10 മുതല്‍ ഉച്ച 2.30വരെയാണ് പരിപാടി. സ്തനാര്‍ബുദ നിര്‍ണയവും നിയന്ത്രണവും, അര്‍ബുദം: മിഥ്യാധാരണകള്‍, അര്‍ബുദ നിയന്ത്രണം ഭക്ഷണത്തിലൂടെ, അര്‍ബുദവും മാനസികാരോഗ്യവും തുടങ്ങിയ സന്ദേശങ്ങള്‍ കുടുംബങ്ങളില്‍ എത്തിക്കുകയാണ് പദ്ധതിയുടെ ലക്ഷ്യം. മലബാര്‍ കാന്‍സര്‍ സ​െൻററിലെ പ്രഗല്ഭ ഡോക്ടര്‍മാര്‍ സെമിനാറിന് നേതൃത്വം നല്‍കും. സഭയുടെ സാമൂഹിക സേവന സംഘടനയായ കാരിത്താസ് ഇന്ത്യ ആശാകിരണം എന്ന പരിപാടിയിലൂടെ ഇതിനകം നിരവധി കാന്‍സര്‍ നിര്‍മാര്‍ജന ബോധവത്കരണ പരിപാടികള്‍ നടത്തിയിട്ടുണ്ട്. വ്യാഴാഴ്ച നടക്കുന്ന സെമിനാറി​െൻറ ഉദ്ഘാടനം കാരിത്താസ് ഇന്ത്യ അഖിലേന്ത്യ ഡയറക്ടര്‍ ഫാ. പോള്‍ മുഞ്ഞേലില്‍ നിർവഹിക്കും. തലശ്ശേരി അതിരൂപത ആര്‍ച് ബിഷപ് ജോര്‍ജ് വലിയമറ്റം അധ്യക്ഷത വഹിക്കും. മലബാര്‍ കാന്‍സര്‍ സ​െൻറര്‍ ഡയറക്ടര്‍ ഡോ. സതീഷ് ബാലസുബ്രഹ്മണ്യം വിശിഷ്ടാതിഥിയാകും. വാർത്തസമ്മേളനത്തില്‍ എം.സി.സി കമ്യൂണിറ്റി ഒാേങ്കാളജി വകുപ്പ് മേധാവി ഡോ. നീതു, ടി.എസ്.എസ്.എസ് അസി. ഡയറക്ടർ ഫാ. ബെന്നി നിരപ്പേല്‍, എം.സി.സി ക്യാമ്പ് കോഓഡിനേറ്റര്‍ സന്തോഷ്കുമാര്‍ എന്നിവര്‍ സംബന്ധിച്ചു.