ലീഗ് ഓഫിസ് അക്രമം; പ്രതിഷേധിച്ചു

പാനൂർ: പാറാട് മുസ്ലിംലീഗ് ഓഫിസ് ആക്രമിച്ച് ചുവന്ന ചായമടിച്ച നടപടി സി.പി.എമ്മി​െൻറ രാഷ്ട്രീയ ഫാഷിസത്തി​െൻറ ഭാഗമാണെന്ന് ഡി.സി.സി (ഐ) ജനറൽ സെക്രട്ടറി കെ.പി. സാജു പ്രസ്താവനയിൽ പറഞ്ഞു. ഷുഹൈബ് വധവുമായി ബന്ധപ്പെട്ട് കോൺഗ്രസ് സ്ഥാപിച്ച ബോർഡുകൾ വ്യാപകമായി നശിപ്പിച്ചതും ഇതോടൊപ്പം കൂട്ടിവായിക്കണം. ഈ ഫാഷിസത്തെ ജനാധിപത്യശക്തികൾ ഒറ്റക്കെട്ടായി നേരിടണമെന്നും അഭ്യർഥിച്ചു. പാനൂർ: പാറാട് മുസ്ലിംലീഗ് ഓഫിസിന് നേരെ നടത്തിയ ആക്രമണം പ്രദേശത്ത് പാർട്ടിക്കും പാർട്ടി ചിഹ്നങ്ങൾക്കും നേരെ നിരന്തരമായി സി.പി.എം നടത്തുന്ന അക്രമപ്രവർത്തനങ്ങളുടെ ഒടുവിലത്തെ ഉദാഹാരണമാണെന്ന് മുസ്ലിംലീഗ് കൂത്തുപറമ്പ് മണ്ഡലം കമ്മിറ്റി പറഞ്ഞു. സമാധാനം നിലനിൽക്കുന്ന പാറാട് പ്രദേശത്ത് ഭരണത്തി​െൻറ തണലിൽ അക്രമം നടത്തുന്ന പാർട്ടിയുടെ നടപടി പ്രതിഷേധാർഹമാണ്. കുറ്റക്കാർക്കെതിരെ പൊലീസ് നടപടിയെടുക്കണം.