കാനായി കാനത്തിന് അകാല ചരമം

പയ്യന്നൂർ: പെരുമ്പ പുഴയുടെ പ്രധാന ശുദ്ധജലസ്രോതസ്സായിരുന്ന കാനായി കാനം വേനൽ കനക്കും മുമ്പേ വറ്റി. കാനം വറ്റാനുള്ള കാരണം അനിയന്ത്രിതമായ ചെങ്കൽഖനനവും ചെമ്മൺഖനനവും കുഴൽക്കിണർ കുഴിക്കലുമാണെന്ന് പരിസ്ഥിതിപ്രവർത്തകർ പറയുന്നു. കാനായി കാനത്തി​െൻറ പ്രധാന രണ്ടുകൈവഴിക്കടുത്താണ് കൽപണകൾ ഏറെയും. പ്രധാന ജലസംഭരണിയായ കുളത്തിലേക്ക് ജലം ചുരത്തുന്ന കുന്നാണ് ഇടിച്ചുകടത്തുന്നത്. ചെങ്കൽപണകൾക്ക് പാരിസ്ഥിതിക വകുപ്പി​െൻറയോ പഞ്ചായത്തി​െൻറയോ റവന്യൂ വകുപ്പി​െൻറയോ അനുമതിയില്ല. കാനത്തി​െൻറ വൃഷ്ടിപ്രദേശത്ത് ഏക്കർകണക്കിന് വിസ്തൃതിയുള്ള എട്ടോളം കൂറ്റൻപണകൾ പ്രവർത്തിക്കുന്നുണ്ട്. അഞ്ചു ചതുരശ്ര കിലോമീറ്റർ വിസ്തൃതിയുള്ള കാനം കോറോം കനിത്തടം പാറപ്പരപ്പിലെ ജീവജാലങ്ങൾക്കുവേണ്ട ഏക ആശ്രയമാണ്. ഇതിനെ സംരക്ഷിക്കാൻ വേണ്ട ഒരു പദ്ധതിയും അധികൃതരുടെ ഭാഗത്തുനിന്നുണ്ടാകുന്നില്ല. ചെങ്കൽപണകളോട് ചേർന്നുനിൽക്കുന്ന -----------------------അക്കേക്കർ---------- വിസ്തൃതിയുള്ള കനിത്തടം തടാകവും വേനലെത്തും മുമ്പേ പൂർണമായും---------------------------. വേനൽക്കാലത്തുപോലും വെള്ളമൊഴുകിയിരുന്ന കാനം നിലനിർത്താൻ സർക്കാർ അടിയന്തരനടപടി സ്വീകരിക്കണമെന്ന് പരിസ്ഥിതിപ്രവർത്തകൻ ഭാസ്കരൻ വെള്ളൂർ ആവശ്യപ്പെട്ടു.