ഉരുവച്ചാലിൽ ഓമ്​നി വാനിൽനിന്നും പുകയുയർന്നു

ഉരുവച്ചാൽ: ഓടിക്കൊണ്ടിരുന്ന വാനിൽനിന്ന് പുക ഉയർന്നു. നാട്ടുകാരുടെ ഇടപെടലിൽ അപായം ഒഴിവായി. ഇന്നലെ വൈകീട്ട് നാലുമണിയോടെ ഉരുവച്ചാൽ ടൗണിനടുത്ത് മെഡിക്കൽ സ​െൻററിന് സമീപത്താണ് സംഭവം. മട്ടന്നൂരിൽനിന്ന് വരുകയായിരുന്ന മാരുതി ഓമ്നി വാനിൽ നിന്നാണ് പുക ഉയർന്നത്. വാനിനകത്തുനിന്ന് പുക ഉയരുന്നത് ശ്രദ്ധയിൽപെട്ട ഡ്രൈവർ റോഡരികിലേക്ക് അടുപ്പിച്ചുനിർത്തുകയായിരുന്നു. ചുമട്ട് തൊഴിലാളികളും ടാക്സി ഡ്രൈവർമാരും ചേർന്ന് വാനി​െൻറ ബാറ്ററിയിൽനിന്ന് കണക്ഷൻ ഒഴിവാക്കിയതിനാൽ അപായം ഒഴിവാകുകയായിരുന്നു.