തെരുവ് നായ്ക്കൾ തൊള്ളായിരത്തോളം കോഴികളെ കടിച്ചുകൊന്നു

വെള്ളരിക്കുണ്ട്: . മാങ്ങോട്ടെ മേമറ്റത്തിൽ ജോണിയുടെ കോഴിഫാമിലെ കോഴികളെയാണ് ചൊവ്വാഴ്ച രാത്രി നാലോളം തെരുവ് നായ്ക്കൾ കടിച്ചുകൊന്നത്. ഫാമി​െൻറ കമ്പിവല കടിച്ചുപറിച്ചാണ് ഇവ അകത്തുകടന്നത്. പതിനഞ്ചും മുപ്പതും ദിവസത്തോളം പ്രായമായ തൊള്ളായിരത്തിലധികം കോഴികൾ ഉണ്ടായിരുന്നു ഫാമിൽ. രാവിലെ നോക്കുമ്പോഴാണ് കണ്ടത്. സമീപപ്രദേശങ്ങളിൽ തെരുവുനായ്ക്കളുടെ ശല്യം രൂക്ഷമായിട്ടുണ്ട്. ഒരുലക്ഷത്തോളം രൂപയുടെ നഷ്ടമുണ്ടായതായി ഉടമ പറഞ്ഞു.