മേൽപാലം നീട്ടൽ: ടെൻഡർ അവസാനഘട്ടത്തിൽ

നീലേശ്വരം: റെയിൽവേ സ്റ്റേഷനിലെ മേൽനടപ്പാലം കിഴക്കുഭാഗത്തേക്ക് നീട്ടുന്നതിനുള്ള ടെൻഡർ നടപടികൾ അവസാനഘട്ടത്തിലാണെന്ന് പി. കരുണാകരൻ എം.പി അറിയിച്ചു. മലയോരപഞ്ചായത്തുകളിൽനിന്നുള്ള യാത്രക്കാർക്കുകൂടി ഉപകാരപ്പെടുംവിധമാണ് മേൽനടപ്പാലം നീട്ടുന്നത്. ഇതിന് മാസങ്ങൾക്കുമുമ്പുതന്നെ ടെൻഡർ ക്ഷണിച്ചിരുന്നു. ടെൻഡർ വൈകുന്നത് വികസനപ്രവർത്തനങ്ങളുടെ വേഗം കുറക്കുന്നത് നഗരസഭ ചെയർമാൻ പ്രഫ. കെ.പി. ജയരാജനും റെയിൽവേ അധികൃതരുടെ ശ്രദ്ധയിൽപെടുത്തിയിരുന്നു.