റിലീഫ് വിതരണവും ഇഫ്താർ മീറ്റും

അഞ്ചരക്കണ്ടി: എസ്.വൈ.എസ്, എസ്.കെ.എസ്.എസ്.എഫ് ശാഖ കമ്മിറ്റിയുടെ നേതൃത്വത്തിൽ റിലീഫ് വിതരണവും ഇഫ്താർ വിരുന്നും നടത്തി. മഹല്ല് ഖത്തീബ് അഷ്റഫ് ഫൈസി ഇർഫാനി ഉദ്ഘാടനംചെയ്തു. എസ്.വൈ.എസ് ശാഖ പ്രസിഡൻറ് പി.പി. മഹ്മൂദ് ഹാജി അധ്യക്ഷതവഹിച്ചു. അസ്ലം അസ്ഹരി പൊയ്ത്തുംകടവ് മുഖ്യപ്രഭാഷണം നടത്തി. സമസ്ത പൊതുപരീക്ഷയിൽ ഉന്നതവിജയം നേടിയ വിദ്യാർഥികൾക്കുള്ള ഉപഹാരം പരീക്ഷ ബോർഡ് ചെയർമാൻ മുസ്തഫ ലത്വീഫി നൽകി. സാലിമുദ്ദീൻ തങ്ങൾ, സിദ്ദീഖ് ഫൈസി വെൺമണൽ, കെ.എ. റമു, പി.പി. ഹാഷിം എന്നിവർ സംസാരിച്ചു. മഹല്ലിലെ 220ഓളം കുടുംബങ്ങൾക്കാണ് കിറ്റ് വിതരണംചെയ്തത്.