ചിത്ര പ്രദര്‍ശനം 15ന്

കണ്ണൂര്‍: യുവകലാകാരന്മാരുടെ കൂട്ടായ്മ നിറക്കൂട്ട് ചിത്രപ്രദര്‍ശനം ജൂൺ 15 മുതല്‍ 19 വരെ കണ്ണൂര്‍ ട്രെയിനിങ് സ്‌കൂളിന് സമീപം മോഹനന്‍ ചാലാട് ആര്‍ട്ട് ഗാലറിയില്‍ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. വൈകീട്ട് നാലിന് കണ്ണൂര്‍ ടൗണ്‍ എസ്‌.ഐ ശ്രീജിത്ത് കൊടേരി ഉദ്ഘാടനം ചെയ്യും. പ്രകൃതി ദൃശ്യങ്ങളും സമകാലിക സാമൂഹിക വിഷയങ്ങളുമാണ് കാന്‍വാസില്‍ പകര്‍ത്തിയത്. രാവിലെ 10 മുതല്‍ വൈകീട്ട് ആറുവരെയാണ് പ്രദര്‍ശനം. വാര്‍ത്തസമ്മേളനത്തില്‍ പി.കെ. ബാബു ഏച്ചൂര്‍, ഷൈജു അഴീക്കോട്, ഷീജ പുറവൂർ, റീബ സുഭാഷ് എന്നിവര്‍ പങ്കെടുത്തു.