ഇരിട്ടി-കുടക് പാതയിൽ ഗതാഗത തടസ്സം: കൊട്ടിയൂർ ചുരം റോഡിൽ വാഹനത്തിരക്ക്

കേളകം: ഉരുൾപൊട്ടലിനെ തുടർന്ന് ഇരിട്ടി - കുടക് പാതയിൽ ഗതാഗതം നിലച്ചതോടെ കൊട്ടിയൂർ ചുരം റോഡിൽ വാഹനത്തിരക്ക്. ഇരിട്ടി-കൂട്ടുപുഴ-വീരാജ്പേട്ട റോഡിലൂടെ കടന്നുപോകേണ്ട വാഹനങ്ങൾ കൊട്ടിയൂർ, നിടുംപൊയിൽ ചുരം പാതയിലൂടെയാണ് തിരിച്ചുവിട്ടത്. ചരക്കുവാഹനങ്ങൾ ഉൾപ്പെടെ കടന്നുപോകുന്നതിനാൽ കൊട്ടിയൂർ-ബോയ്സ് ടൗൺ ചുരം പാതയിലും നിടുംപൊയിൽ-മാനന്തവാടി ചുരം പാതയിലും വാഹനത്തിരക്ക് വർധിച്ചു. ഇരു പാതകളിലും ജാഗ്രത വേണമെന്ന് അധികൃതർ അറിയിച്ചു.