ഡയാലിസിസ് സെൻറർ ചുറ്റുമതിൽ ഇടിഞ്ഞുവീണ സംഭവം: സുരക്ഷാനടപടികൾ പുരോഗമിക്കുന്നു

മാഹി: മാഹി സ്പോർട്സ് മൈതാനത്തിന് സമീപത്തെ ഡയാലിസിസ് സ​െൻററി​െൻറ ചുറ്റുമതിൽ തകർന്നുവീണ സംഭവത്തിൽ അടുത്തുള്ള സ്കൂളിനും വിദ്യാർഥികൾക്കും സുരക്ഷയൊരുക്കാൻ നടപടി തുടങ്ങി. കനത്ത മഴയെ തുടർന്ന് മാഹി ഗവ. മിഡിൽ സ്കൂൾ വളപ്പിലേക്കാണ് കരിങ്കൽമതിൽ ഇടിഞ്ഞുവീണത്. തകർന്ന മതിലി​െൻറ ബാക്കിഭാഗങ്ങളും കോൺക്രീറ്റ് ബീമുകളും വീണ്ടും വീഴാനുള്ള സാധ്യത കണക്കിലെടുത്ത്, ഇത് തടയാൻ മണൽചാക്കുകൾ അടുക്കുകളായി ഉയർത്തിയിടുന്ന പ്രവൃത്തി പുരോഗമിക്കുകയാണ്. താൽക്കാലിക സുരക്ഷയൊരുക്കുന്നതി​െൻറ ഭാഗമായി മാഹി പൊതുമരാമത്ത് അധികൃതരുടെ നേതൃത്വത്തിലാണ് പ്രവൃത്തി നടക്കുന്നത്. വിദ്യാർഥികളെ വേറെ കെട്ടിടത്തിലേക്ക് മാറ്റിയിട്ടുണ്ട്. കെട്ടിട ഉടമയുമായി ബന്ധപ്പെട്ട് സ്ഥിരമായ സുരക്ഷാനടപടി ഉടൻ സ്വീകരിക്കാൻ നിർദേശം നൽകിയതായി അധികൃതർ അറിയിച്ചു.