സർക്കാർ ജീവനക്കാർ ധർണ നടത്തി

മാഹി: ഫെഡറേഷൻ ഓഫ് സർവിസ് അസോസിയേഷ​െൻറ ആഭിമുഖ്യത്തിൽ സർക്കാർ ജീവനക്കാരുടെ അവകാശങ്ങൾ നേടിയെടുക്കാൻ മാഹി സിവിൽ സ്റ്റേഷന് മുന്നിൽ ധർണ നടത്തി. ഏഴാം ശമ്പള കമീഷൻ ശിപാർശകൾ നടപ്പാക്കുക, പാസിക്, പാപ്സ്കോ, പി.ആർ.ടി.സി, എൻ.എച്ച്.എം ജീവനക്കാർക്ക് ശമ്പള കുടിശ്ശിക വിതരണം ചെയ്യുക തുടങ്ങി ആവശ്യങ്ങൾ ഉന്നയിച്ചായിരുന്നു സമരം. പ്രസിഡൻറ് കെ. ഹരിദാസൻ അധ്യക്ഷത വഹിച്ചു. സി.പി. ഹരീന്ദ്രൻ ഉദ്ഘാടനം ചെയ്തു. സെക്രട്ടറി ഇ.വി. രാമചന്ദ്രൻ, സി.എച്ച്. സത്യനാഥൻ എന്നിവർ സംസാരിച്ചു.