ദേശീയ ചലച്ചിത്രോത്സവത്തിന് ഇന്ന് തുടക്കം

പയ്യന്നൂർ: കേരള ചലച്ചിത്ര അക്കാദമിയുടെ നേതൃത്വത്തിൽ പയ്യന്നൂരിൽ അഞ്ചു ദിവസം നീണ്ടുനിൽക്കുന്ന ദേശീയ ചലച്ചിത്രമേള ശനിയാഴ്ച തുടങ്ങും.13 വരെ നടക്കുന്ന മേളയിൽ ശ്രദ്ധേയമായ 28 സിനിമകൾ പ്രദർശിപ്പിക്കും. രാവിലെ 10ന് രാജധാനി തിയറ്ററിൽ അസമീസ് ചിത്രമായ വില്ലേജ് റോക്ക് സ്റ്റാറും രാജധാനി മിനിയിൽ മലയാള ചിത്രമായ തൊണ്ടിമുതലും ദൃക്സാക്ഷിയും ഉദ്ഘാടന ചിത്രമായി പ്രദർശിപ്പിക്കും. ചലച്ചിത്രോത്സവം വൈകീട്ട് അഞ്ചിന് മന്ത്രി എ.കെ.ബാലൻ ഉദ്ഘാടനം ചെയ്യും. മേളയുടെ ഭാഗമായി മലയാള സിനിമയുടെ 90 വർഷത്തെ ചരിത്രം വിവരിക്കുന്ന ഫോട്ടോ പ്രദർശനം മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും.