നമസ്​കാരം കഴിഞ്ഞ്​ മടങ്ങ​വേ വിദ്യാർഥി കുഴഞ്ഞുവീണ് മരിച്ചു

പാനൂർ: രാത്രിനമസ്കാരം കഴിഞ്ഞ് മടങ്ങവേ വിദ്യാർഥി റോഡിൽ കുഴഞ്ഞുവീണ് മരിച്ചു. ഉളിയിൽ നരയമ്പാറയിലെ കെ.വി. ഹൗസിൽ റഷീദ്-സാജിദ ദമ്പതികളുടെ മകൻ അഫ്രീദാണ് (15) മരിച്ചത്. ബുധനാഴ്ച രാത്രി 10.30ഓടെ എലാങ്കോട്ടാണ് സംഭവം. എലാങ്കോട് ഓർഫനേജിൽ പഠിക്കുന്ന അഫ്രീദ് അടുത്ത പള്ളിയിൽനിന്ന് സുഹൃത്തുക്കളോടൊപ്പം മടങ്ങവേ റോഡിൽ കുഴഞ്ഞുവീഴുകയായിരുന്നു. തലക്ക് പരിക്കേറ്റതിനാൽ ഉടൻ തലശ്ശേരി ഇന്ദിര ഗാന്ധി സഹകരണാശുപത്രിയിൽ പ്രവേശിപ്പിച്ചെങ്കിലും മരിച്ചു. സഹോദരങ്ങൾ: സജാദ്, അംജദ്, റഫാത്. മൃതദേഹം വ്യാഴാഴ്ച വൈകീട്ട് ഉളിയിൽ ജുമാമസ്ജിദ് ഖബർസ്ഥാനിൽ ഖബറടക്കി. Obit a free d Pnr